Сайтта тапсырыс жасаңыз, мүмкіндігінше тезірек сізге ораламыз
Біз сіздердің барлық сұрақтарыңызға жауап береміз.
Ағымдағы жылдың 2 қарашасында Астанада «Жаңа Еуразия: Еуразиялық трансқұрлықтық бағыттар көлік-логистикалық жүйесін дамыту» тақырыбында «ТрансЕуразия-2017» көлік-транзиттік әлеуеті туралы мерейтойлық X Халықаралық конференция өтті.
Конференцияға Еуро-Азиялық өңір елдерінен мемлекеттік органдардың, Қазақстан Республикасындағы дипломатиялық корпустың, сондай-ақ үкіметаралық, халықаралық және өңірлік ұйымдардың, қаржы институттарының, көлік қауымдастықтарының және компанияларының 300-ге жуық өкілі қатысты.
Конференцияны Қазақстан Республикасының Инвестициялар және даму министрлігі ұйымдастырды және «Жаңа Еуразия: Еуразиялық трансқұрлықтық бағыттар көлік-логистикалық жүйесін дамыту» тақырыбына арналды, бұл тақырыптың өзектілігі Еуразиялық кеңістіктегі экономикалық интеграциялық процестерді тереңдетумен байланысты.
2015-2019 жылдарға арналған Мемлекеттік «Нұрлы жол» инфрақұрылымдық даму бағдарламасы аясында жүзеге асырылып жатқан ірі транспорттық жобалар егжей-тегжейлі талқыланды, министр Жеңіс Қасымбек еуразиялық кеңістікте негізгі көлік дәліздері мен бағыттарын интеграциялау үшін үкіметаралық деңгейде де, іскер топтар арасында да ынтымақтастыққа шақырды.
Сонымен қатар, пленарлық сессияда сөз сөйлегендер ұлттық көлік инфрақұрылымдарды дамытудың негізгі аспектілері, тиімді транзиттік тасымалдау жүйесінің жұмыс істеуі және еуразиялық кеңістіктегі трансқұрлықтық транспорттық дәліздер туралы пікір алмасты.
Өңірлер арасындағы сауда-экономикалық қатынастарды нығайту мақсатында Еуропа – Азия бағытындағы еуразиялық трансқұрлықтық бағыттарды құрудың күннен күнге өсіп келе жатқан жаһандық рөлі мен өңірлік маңызы аталып өтті. Сонымен бірге конференцияға қатысушылар өңірлік көлік байланыстарының архитектурасын құруға АДБ және ЕҚДБ сияқты халықаралық қаржы институттарының қосқан үлесін жоғары бағалады.
Қорытындылай келе, қатысушылар көлік-транзиттік әлеуеті бойынша «ТрансЕуразия-2017» Халықаралық конференциясының X Қарарын қабылдады.
Дерек көзі: «“KAZLOGISTICS” Қазақстан көлік қызметкерлері Одағының баспасөз орталығы».