Сайтта тапсырыс жасаңыз, мүмкіндігінше тезірек сізге ораламыз
Біз сіздердің барлық сұрақтарыңызға жауап береміз.
2017 жылдың 6 қазанында Алматы қаласында «KAZLOGISTICS» Қазақстанның көлік қызметкерлері Одағының және «KAZLOGISTICS» корпоративтік қорының «Қытай Халық Республикасынан Қазақстанға және Қазақстан арқылы өтетін жүктерді тасымалдаудың тиімді схемаларын анықтау» тақырыбында ҚазАТО-ның ғылыми-зерттеу жұмыстарының қорытындысы бойынша дөңгелек үстел өткізілді.
Сарапшылар ретінде «Атамекен» ҚР ҰКП, «ТКҒЗИ» ЖШС, М.Тынышбаев ат. ҚазТКА, «ҚТЖ» ҰК» АҚ; Қазақстан Республикасының автокөлік қызметкерлерінің одағы (ҚАО), «КTZ Express» АҚ өкілдері шақырылды.
Үш схема ұсынылды:
Біріншісі – қазақстандық автокөлік Үрімшідегі (ҚХР) терминалдарда жүктерін тиеп, Қытай-Қазақстан шекарасын кесіп өтіп, жүкті тағайындалған жерге жеткізеді.
Екінші – қытай автокөлігі жүкті Қытайдың шекарасындағы терминалдарға жеткізеді. Қазақстандық және ресейлік тасымалдаушылар осы терминалдарда жүктерін тиеп, шекарадан өтіп, жүкті тағайындалған жеріне дейін жеткізіледі.
Болашақта үшінші схема жасау қарастырылған. Қытайлық автокөлік жүкті Қазақстандағы Халықаралық шекаралық ынтымақтастық орталығының терминалдарына жеткізеді. Қазақстандық автокөлікке немесе басқа елдің автокөлігіне осы терминалдарда жүк тиеліп, түпкілікті нүктелерге тасымалданады.
ҚазАТО «Қытай Халық Республикасынан Қазақстанға және Қазақстан арқылы транзитпен өтетін жүктерді тасымалдаудың тиімді схемаларын анықтау» жобасы бойынша ұсынған презентациямен және аралық есеппен таныса келе, Дөңгелек үстелге қатысушылар осы жұмыстың келесі тұстарын толықтыру қажеттілігін атап өтті:
- теміржол арқылы жүк тасымалдаудың тиімділігін есептеу;
- Қытай аумағында жүктің жиналуына қатысты мәселенің басын ашу;
- ШЫҰ бағыттарын пайдалану;
- Қытайдан жүк тасымалдаудың қолданыстағы схемаларын егжей-тегжейлі ашу;
- Қазақстан аумағында КЛО құрудың орындылығын негіздеу.
Дөңгелек үстелдің қорытындысы бойынша «Қытай Халық Республикасынан Қазақстанға және Қазақстан арқылы өтетін жүктерді тасымалдаудың тиімді схемаларын анықтау» тақырыбындағы осы зерттеу жұмысын ескертулер мен ұсыныстарды ескере отырып, соңына дейін аяқтау туралы шешім қабылданды.
Дерек көзі: «Қазақстан көлік қызметкерлері Одағының баспасөз орталығы»