Мәселен, Сізге A нүктесінен B нүктесіне дейін бірнеше қорапты жеткізу керек. Сіз жеке тасымалдау өте қымбатқа түсетінін есептеп білдіңіз. Оған қоса, кішкене жүк үшін автокөлік жалдау тиімсіз және пайдасыз. Бұл мәселені шешу үшін құрама тасымалдар бар.
Бұл түрлі тапсырыс берушілердің шағын жүгін бір автокөлікпен бір бағытта жол-жөнекей жеткізу. Мұндай тәсіл шағын көлемді жүкті жеткізу құнын төмендетуге мүмкіндік беретін шағын және орта бизнес үшін ыңғайлы әдіс болып табылады.
Құрама тасымалдаудың артықшылықтары:
- жүк салатын кеңістікті тиімді пайдаланып, ақшаны үнемдеу мүмкіндігі;
- ыңғайлы, өйткені жеткізу «есіктен есікке дейін» жүзеге асырылады.
Шын мәнінде, тауардың бір бірлігі үшін көлік шығыны ірі жүк тасымалының деңгейінде қалады. Бұл үшін белгілі бір жүктерді біріктіріп, келісілген бағытқа жібереді. Автокөліктің жүкті тасығаны үшін алынатын ақы барлық клиенттер арасында бөлінеді. Құрама партиялар көлік-экспедиторлық компаниялар қоймаларында жиналады. Сол жерде тауарлар тасымалдауға дайындалып, қажетті құжаттар бумасы рәсімделеді. Жүкті жеткізу уақыты партияның қаншалықты уақытта толығымен қалыптасатынына, бағыттың қаншалықты ойластырылғанына және т.б. байланысты болады.
Кешенді жүк
Құрама жүкке қарағанда кешенді жүк бір алушыға арналған және автокөліктің жүк кеңістігін толығымен алады. Тапсырыс беруші көлік құралының фрахтын толық төлейді. Көбінесе, тиеу жіберушінің қоймасында жасалады және қажет болған жағдайда басқа жерде де қосымша жүк тиеуге болады.
